Dost, suna to hoga hi tumne.. Aaj fir koi aur chala gya
Aur wajah wahi jo 20 July 2017 ko thi
Lekin kya yaad hai? Kaise hoga..
Naam tha Chester Bennington, shayad ab yaad aya hoga..

Aaj fir sabhi ki social media ki deewarein
“Speak up, we are listening” se bhar jayengi
Aaj fir duniya kahegi “Mental illness is a problem”
Aaj fir charchayein aur baatein hongi, aur fir
Fir 14 June bhi 20 July ki tarah kahi dab jayegi.

Duniya kahegi hum sunn rhe hai,
Duniya kahegi humse Baat kro
Magar na jaane kitne messages aaj bhi
Mahino se ek nazar ka intezaar kr rhe honge
Lekin, humse baat kro hum sunn rhe hai.. Han shayad!

Tu dekh apne aas-paas, tere apne log
Tere Maa-Baap, tere bhai behen
Bas yahi hai, jo sunn rhe hai
Tu Jhaank apne andar, tujhme hi wo khuda hai
Jo Teri har Baat samajhta hai

Duniya to aaj ek din ke liye bolegi
Aur Kal se fir wahi ravaiyya dohrayegi
Na jane kitne sushant fir roz guzar jayenge
Fir 14 June bhi 20 July ki tarah kahi dab jayegi..

Lekin, Tu uth.. khada ho, duniya nahi khud ke liye
Kyuki tu akela nahi, tere Saath wo khuda khada hai..