Puchte hai.. Sab kaise hai? Theek hain
Puchte hai.. Tum Kaise ho? Theek hain
Wakaey?

Subah ki neend ko beech me todna
Bhagte daudte subah ka nashta raste me karna
Kaam ki aad me adhure sapno ko bhulna
Aur sham ko thak haar ke ghar ko lautna..

Han sab theek hi to hai..
Wakaey?

Har chutti pe dosto se milne ka sochna
Aur chutti ate hi Pehle-wo ki kashmakash me kho jana
Kabhi pahad to kabhi samundar k safar ki tayyariyan karna
Aur ain Waqt ane pe sab mansookh kar daalna

Han sab theek hi to hai…
Wakaey?

Puchte hai.. Sab kaise hai? Theek hain
Puchte hai.. Tum Kaise ho? Theek hain
Wakaey! Sab theek hi to hai