Aur aj ek din aur beet gya
Ek din aur jab baatein adhoori reh gyi
Kuch ankahi kuch ansuni

Ek aur aisa din jisme socha tha
Ki aj to pooch hi lunga
Akhir kuch hai ya hoga bhi kabhi
Magar.. Magar bat fir adhoori reh gyi
Kuch ankahi to kuch ansuni

Kuch shabd hai jo goonjte hai Dimaag me
Na jane labo pe kyu nahi aate
Ek anjani se kashmakash hai,
Ek chillati hui khamoshi hai
In sab se ladke jb wo bat
Kisi roz labo pe ayi bhi, to Baat adhoori reh gyi
Kuch ankahi kuch ansuni

Akhir kyu, hamesha hi kyun?
Kyun nahi samajh pate hai log un ankahi bato ko
Un bina bat kiye gn bol ke chale Jane k piche ki kahani ko
Kyun kr dete hai ansuna.. sunke bhi un ehsaso ko
Sawaal hai kuch, jinke jawabo ki talash hai
Aur un sawalo ki duniya me khokar, aj fr Bat adhoori reh gyi
Kuch ankahi kuch ansuni..